De Recepte
Wortelevlaoj.
Wortelevlaoj huurt bij de Wiekerbroonk
Tant Jès waor 'n rasechte Mestreechse.
Häöre maan, Zjèf, waor evels geboortig vaan Wiek.
Veur de flawweköl neumde zij häöm wel ins 'Wortelentikker' en heer häör 'Reubeslikker'.
Oet die plaogerij is 't gebruuk gebore tot ederein dee noonk Zjèf mèt z'ne mei kaom felisitere, wortelevlaoj geprizzenteerd kraog.
En daan vertèlde noonk Zjèf zoonder makere euver dee knien dee bij bekker Bogers kaom vraoge of heer ouch wortelevlaoj had.
Frenske mós nein verkoupe.
De volgenden daag kaom weer 'ne knien vraoge veur wortelevlaoj.
Obbenuits mós Frenske nein zègke.
Wie weer 'nen daag later d'n derde knien de winkel oet waor zoonder wortelevlaoj zaog Frenske in zien verbeelding 'n oetbreiing vaan ze assortimint en vaan z'n klandizie.
Wie de veerde daag de veerde knien vroog:
"Höbste wortelevlaoj?" antwoorde Frenske mèt 'n straolende lach roond z'n lippe:
"Jao, die höb iech!"
Toen trok dee knien e lielik geziech en slisde:
"Vies, heh?!"
't Recep kraog Tant Jès vaan Frenske.
Dee hoofde 't neet mie.
Wortelevlaoj.
Recep:
* 3/4 kilo wortele
* 2/5 pekske magrien
* 2/3 tas sókker
* 1 ei
* 2 eetlepele cetroensap (of miejer)
Maak 'ne boojem vaan ges-deig.
Sjrap de wortele en snij ze in stökskes.
Kook ze good gaar en stamp ze fien of plèt ze mèt 'n versjèt of vrief ze fien door 'n zijbaor of e zeef.
Reur de boter, de sókker en 't cetroensap dedoor en laot de puree aofkeule.
Splits 't ei en reur d'n doojer door de puree.
Doeg 't wit in 'nen depen teleur en klop 't op mèt 'n versjèt tot 't stief steit.
Ouch dat geit door de puree meh wel veurziechtig lepele.
Verdeil 't wortelemoos geliekmaotig euver de boojem
en bak de vlaoj zoe'n 25 tot 30 menute in d'n ove op 220°C.
Wortelevlaoj.
Wortelevlaoj huurt bij de Wiekerbroonk
Tant Jès waor 'n rasechte Mestreechse.
Häöre maan, Zjèf, waor evels geboortig vaan Wiek.
Veur de flawweköl neumde zij häöm wel ins 'Wortelentikker' en heer häör 'Reubeslikker'.
Oet die plaogerij is 't gebruuk gebore tot ederein dee noonk Zjèf mèt z'ne mei kaom felisitere, wortelevlaoj geprizzenteerd kraog.
En daan vertèlde noonk Zjèf zoonder makere euver dee knien dee bij bekker Bogers kaom vraoge of heer ouch wortelevlaoj had.
Frenske mós nein verkoupe.
De volgenden daag kaom weer 'ne knien vraoge veur wortelevlaoj.
Obbenuits mós Frenske nein zègke.
Wie weer 'nen daag later d'n derde knien de winkel oet waor zoonder wortelevlaoj zaog Frenske in zien verbeelding 'n oetbreiing vaan ze assortimint en vaan z'n klandizie.
Wie de veerde daag de veerde knien vroog:
"Höbste wortelevlaoj?" antwoorde Frenske mèt 'n straolende lach roond z'n lippe:
"Jao, die höb iech!"
Toen trok dee knien e lielik geziech en slisde:
"Vies, heh?!"
't Recep kraog Tant Jès vaan Frenske.
Dee hoofde 't neet mie.
Wortelevlaoj.
Recep:
* 3/4 kilo wortele
* 2/5 pekske magrien
* 2/3 tas sókker
* 1 ei
* 2 eetlepele cetroensap (of miejer)
Maak 'ne boojem vaan ges-deig.
Sjrap de wortele en snij ze in stökskes.
Kook ze good gaar en stamp ze fien of plèt ze mèt 'n versjèt of vrief ze fien door 'n zijbaor of e zeef.
Reur de boter, de sókker en 't cetroensap dedoor en laot de puree aofkeule.
Splits 't ei en reur d'n doojer door de puree.
Doeg 't wit in 'nen depen teleur en klop 't op mèt 'n versjèt tot 't stief steit.
Ouch dat geit door de puree meh wel veurziechtig lepele.
Verdeil 't wortelemoos geliekmaotig euver de boojem
en bak de vlaoj zoe'n 25 tot 30 menute in d'n ove op 220°C.
Opmerking