Leedsjes

[SJEF †]

Leedsjes

Machteld

Ach Machteld leef, wat höbs te noe mèt miech gedoon
Vaanaof d'n daag tot iech diech zaog, höb iech m'n ete laote stoon
Iech zing allein nog weike leedsjes bij 't sjijnsel vaan de maon
Ach Machteld leef , wat höbste noe mèt miech gedoon
’t Is get met bubbelende kneeje en met vlinders in de boek
In de rege op diech wachte bij ’ne roeje roezestroek
Ach Machteld leef ,wat höbs te noe met miech gedoon
Zoe kin dat ech neet wijer goon

Iech loup door de rege, weur mer neet naat
‘ch Höb gaar niks gedroonke, en veul miech zoe zaat
Alles is aon ’t dreije, wat is met miech aon de hand
M’n hertsje leek bevrore mer opins stoont ’t in brand

Ach Machteld leef...

Iech kin ’s nachs neet slaope, iech zeen oor nao oor
Es dat zoe door geit gaon iech d’r aon oonder door
Kôs iech noe mer slaope daan druimde iech vaan diech
En es ’t maag vaan Machteld druim iech vaan häör en miech

En ouch al höb iech geine griep, toch slik iech kilo’s medicijn...
Iech bin bevaange door de koorts en staon te trille op mien bein

Ach Machteld leef..

Hans Emmen Trio

[SJEF †]

Leedsjes

Manaoke

Es de zon sjijnt in 't vreugjaor, koume alle blömkes op,
Groffiäötsjes en narcisse, alles kump weer oet de knôp
mer 't sjoenste vaan 't vreugjaor da`s Manaoke häör geziech
umtot door die zonnestraole e klein woonder weurt verriech

es de zon begint te straole, weure alle meidskes broen
bij Manaoke is dat aanders, daor kin zie gaaroet niks aon doen
op häör wengskes koume stipkes en al vint zie dat zelf stom
’t maak häör zjus zoe fleurig, wie de allersjoenste blom
Want löp zie in 't vreugjaor euver straot
daan zinge alle jonges in de maot

Daor geit Manaoke mèt häör sproetelegeziech
Daor geit Manaoke, iech sjreef 't liefs in e gediech
Waor iech 'n zonnestraol, al waor ze nog zoe klein
‘ch sjeinde de gansen daag op die geziech allein
Daor geit Manaoke mèt häör sproetelegeziech;
Zie is 't zönneke, 't zönneke, 't zönneke, vaan:
la la la la la........

Wie zie trök kaom oet de Alpe zaog ze hendig lekker oet
Mèt häör leef gekleurd geziechske ,roond häör neuske sproet op sproet
Ouch al is 't in de winter, hei soms iezig, kaajt en gries
Häör straolend fris geziechske, kreijg vaan miech d'n ierste pries
En löp zie in de winter euver straot,
Daan fluite die blow neuze in de maot:

Daor geit Manaoke....................

Hans Emmen Trio

[SJEF †]

Leedsjes

Sjoen broen

Iech laog in de zon op e werm strand
En zaog wie opins aon miene linkerkant
E meidske wat ziech zoonder te genére
Daor gans met zonnecrème zaot in te smere
Gans häöre väörkant en häöre rögk
Nein zie vergaot abseluut gei stök
En later leep ze op d’n esplanaad
Te proonke mèt e kleurke wie sjoklaat

Wat is die broen
Wat is die ampetantig broen
Zjus es ze eve zit
Zuus te ‘n hiel klein striepke wit
Wat is die broen
Boe zow zie dat vaan doen
Wat steit die kleur häör sjoen
Dat ampetantig broen
Wat is dat keend sjoen broen

Els zaot bij Harie in zien nui café
Zie had e bluuske aon met unnen décolté
En ederein dee zaot daor mer te hope
Ach gong deen décolté mer wijer ope
En wie de zaak oeteindelik op slete stoont
Toen stoont zie op veer zaote daor met ope moond
En later repe veer e bitsje zaat
Dat keend had toch e kleurke wie sjoklaat

Zjanet die waor zoe gere broen häör leve laank
En koch ziech oet de maospos ’n nui zonnebaank
En eve bloet es wie ze waor gebore
Lag zie ziech op dat apparaat drei ore
Al waor die zonnebaank daan wel e bitsje deur
Zjanet die kraog daorvaan ‘n manjefieke kleur
En later leep ze door de groete staat
Te proonke met häör kleurke wie sjôklaat

Hans Emmen Trio

[SJEF †]

Leedsjes

Unne Mestreechteneer

Unne mestreechteneer
Hèlt vaan zie gleeske beer
Gelierd vaan peer en meer
Veult heer ziech tempeleer
Huurt geer de aw grameer
Is deks ’ne vreigeleer
En löp ’t allerleefs de vriethof op en neer

Ach ‘ne limbabnees
Is heer noets ech gewees
Hèlt gaar neet vaan gesjees
Keersmis heurt bij videes
Zien taol klink wie chinees
Sprik altied in cliché ‘s
Mer zuut ’t leve toch ’t leefste es e fees

Daor boe heer is gebore
Veult heer ziech noets verlore
Bij sintervaos z’nen tore
Veult heer ziech oetverkore
Daor zaog heer ’t levensleech
Hoera viva Mestreech.

Unne mestreechteneer
Hèlt vaan zie gleeske beer
Gelierd vaan peer en meer
Veult heer ziech tempeleer
Ach ‘ne limbabnees
Is heer noets ech gewees
Mer zuut ’t leve toch ’t leefste es e fees

Hans Emmen Trio

[SJEF †]

Leedsjes

Zoe is zie

De vrow boe iech vaan druim
Ze leef in mien gedachte
Kump bij miech op bezeuk
Noe al zeve nachte

En zie
Zie is de zon ,’t zand, de zie
Me levensleech,m’n therapie
M’n beaujolais miene chablis
Jao alle twie
Ach zoe is zie
Me welske en m’n symphonie
M’n regesjoor me vlökske snie
Jao zoe is zie.

Kaait ligk iech in mie bed
En iech zeen häör weer versjijne
Wie unnen ingel in de nach
Späölt zie in de gardijne
Zie lègk ziech neve miech
En nump miech häöre rakker
Mer bij de ierste zonnestraol
Is zie weg en iech weer wakker

En zie..

Iech bin neet dee maan
Um ieuwig vaan te hawwe
Iech bin ouch neet dee maan
Vaan trouw tot aon d’n doed
Mer es iech häör zeen goon
Daan bin iech neet te hawwe
Daan weurt opins mien hart
Wel zeve kier zoe groet.

En zie….

Hans Emmen Trio

[SJEF †]

Leedsjes

Zoepe

Had iech diech
Of höb iech diech
Of zow iech diech oets kriege

Iers waor ’t jao
En toen weer nein
Iers goon en daan weer blieve

Toch mer wel
Of toch mer neet
Nog evekes bedinke

Dink mer lekker wijer keend
Gaon iech miech eine drinke

Hans Emmen Trio

[SJEF †]

Leedsjes

Zoondag mörge

Eve dink iech, iech moot opstoon
Eve dink iech ’t is tied
Mer vendaog is ’t toch zoondag
Kin iech blieve ligke zoonder spiet
Diech steis op en geis d’n hoond oetlaote
Nao vief menute bis te alweer trök
Daan zoe stèl tösse de lakes
Kreijg iech ’t gans werm vaan gelök

Eve zweve eve niks

Eve hoof iech neet te dinke
Zèt de wereld eve stop
Iech pak e book en eve later
Steit de wereld stèl in miene kop
Eve later kump de reuk vaan koffie
En veers gebakke broed miech tegemoot
Daan zoe stèl tösse de lakes
Besef iech pas ’t leve dat is good

Eve zweve eve niks

Hans Emmen Trio

[SJEF †]

Leedsjes

Hiel good Pieke, 't is Koojstraot 16, boe vreuger in de Boonte Kooj waor!

Is de Boonte Kooj zoeget wie d'n Dollen Dries, boe dit leedsje euver geit?
Dit leedsje kint geer beluustere via deez Hyves webpaasj:

http://fabriziobongers.hyves.nl/ .

============================

D’n Dollen Dries


Noe staank heij neet te roope ‘t geit pas um 5 oor ‘s mörregs ope
Unne gas maag neet nao binne daan geit ‘t howwe weer beginne
Aoh iech sjaar miech ein vaan zestig want die vaan 16 doen te lestig
De loers raar oet d’n ouge daan zal de sos wel weer neet douge

Iech zal heij altied blieve koume want iech höb mien hart verpand
Die dreij veerkante meter, de gezèlligste vaan ‘t land
D’n Dollen Dries, iech rappeleer ‘t miech neet mie precies

En doen ze wel ‘s sjete ach jeh dat zien toch mer dougnete
Ut is weer 9 oor en iech zeen zoe greun wie e stök poor
Aoh ze stampe miech nao boete daan deit de pos alweer z’n route
De week die doort zoe laank mer iech höb altied zin in draank

Iech zal heij altied blieve koume want iech höb mien hart verpand
Die dreij veerkante meter, de gezelligste vaan ‘t land
D’n Dollen Dries, iech rappeleer ‘t miech neet mie precies

Vergeet deen aandere zjwik want dit is de nommer ein pettik
Welt ‘t stoon neet mie zoe lökke ze höbbe roond vleegende krökke
Aoh iech wel e präötsje make mer iech klapper zoe mèt mien kake
En ‘s mörreges höb iech spiet daan bin iech de ganse fellem kwiet

© Fabio en Fabrizio

[SJEF †]

Leedsjes

Nog mie tekste van de leedsjes van Fabio en Fabrizio.

Veer maile wel

© Fabio en Fabrizio

M’n ganse brak hink vol met foto’s vaan diech
Iech hub n altaar ingeriech
En de kins miech toch iech laot diech neet mie mèt rös
Iech vis de pos oet d’n breevebös

d’n vriendinne hate miech allemaol
Iech haol dien kinder aof vaan sjaol
De wèts iech kom rech oet italio
Ze liere metein ‘n aander taol

Likste snachs stief in d’n nès
kreigste oetsjlaag vaan de stress
wiezoe huur iech niks es iech diech sms

Jao veer maile wel, maile wel kump good
En daan hoof dien deur neet langer mie op sloot
Jao veer maile wel, maile wel kump good
En daan hoof dien deur neet langer mie op sloot

Op ‘t nummer vaan d’ne twiede mobiel
Kreig iech noe ouch al gein gehuur
Mer iech weet totste wèrreks tot ‘n eurke of zes
En rijs nao hoes langs die gaar frituur

Este ech get wels mooste gans d’r veur goon
Al is de wereld soms get hel
Soms staon iech 3 oor laank in de vrerende kaw
Veur ‘ne glimp vaan dien oerlel

+*+*+*+*+*+*+*+*+*+*+*+*+*+*+*

Ouch weer te beluustere via de Hyves webpaasj.
'tZelfde wie de tekse vaan de leedsjes die noe koome goon.

http://fabriziobongers.hyves.nl/ .

[SJEF †]

Leedsjes

Videotheek

© Fabio en Fabrizio

Eedere vriedag op ‘t einde vaan de week
Gaon iech mèt Fabio nao de videotheek
Deen awwe Vespa liet us noets in de steek

Pak veur de vroluij ouch get leuks wie Rambo twie
Of doeg deej judo-film mèt mr. Myagi
De kreigs d’n derde band veur eine gölde mie

Veer zien d’r beijnao
Dus zèt de chips klaor

Kom veer goon nao de videotheek
Kom veer goon nao de videotheek

Es diech ‘t pils en de pizza doks
Heur iech diech unne moviebox

Mer noe zien beijnao al die zake haos failliet
De kreijgs al gratis dvd’s beij ‘n tuut friet
Wat is dao leuk aon? Ut geit toch väöls te wiet

Veer zien d’r beijnao
Dus zèt de chips klaor

Kom veer goon nao de videotheek
Kom veer goon nao de videotheek

Es diech ‘t pils en de pizza doks
Heur iech diech ‘ne moviebox

Kom veer goon nao de videotheek
Kom veer goon nao de videotheek

Es diech ‘t pils en de pizza doks
Heur iech diech ‘ne moviebox
En höbste dat dink al oetgetes,
Is ‘t Betamax of VHS?

Kom nao.. de videotheek…

[SJEF †]

Leedsjes

Relax, aw kloete

© Fabio en Fabrizio

Relax, aw kloete
Veer plakke tege de roete
Relax, aw kloete
Iech wach nog ein secon
Relax, aw kloete
Iech staon heij in m'ne bloete
Relax, aw kloete
Kom oet deej magnetron

Ze peerse us gewoen nao väöre
Ut is get um diech te besjäöre
'n ganse herremenie
Dat geit toch gaarneet mie
en iech zit heij al vaan keteer nao twie

[SJEF †]

Leedsjes

Bel Lando

© Fabio en Fabrizio

Bel Lando

Sjeet 's op, 't weurt allein mer later
Sjeet 's op, drek koume veer te laat
Nei nei nei

Loer dao steit 'ne Vespa zoonder sloot
Kump dat eve good oet
Loer dao steit 'ne Vespa zoonder sloot
Pak deen tèllefoon en

Bel Lando, bel Lando en Nico en Jos, en Jos
Veer koume get later
Bel Lando, bel Lando en Nico en Jos, en Jos
Veer koume get later

Biste kraank, of höbste 'ne kater
Bleijfste toes get zitte op de baank
Nei nei nei

Loer dao steit 'ne Vespa zoonder sloot
Kump dat eve good oet
Loer dao steit 'ne Vespa zoonder sloot
Pak deen tèllefoon en

Bel Lando, bel Lando en Nico en Jos, en Jos
Veer koume get later
Bel Lando, bel Lando en Nico en Jos, en Jos
Veer koume get later

[SJEF †]

Leedsjes

Veer goon us begaoje

© Fabio en Fabrizio

Veer goon us begaoje
De bom die is oontplof
Mer boe zien al die sjlaoje
pak iech miech dao veur noe verlof?

Veer goon us begaoje o ohohoho
Veer goon us begaoje o ohohoho
Veer goon us begaoje o o

Veer goon us begaoje
Veer koume neet mie stop
't is eine groete fiesta
Alles löp weer in de sop

Veer goon us begaoje o ohohoho
Veer goon us begaoje o ohohoho
Veer goon us begaoje o o

Veer goon us begaoje
Veer zien weer op niveau
Geer had 't kinne raoje
Jao veer zoepe us k.o.

[SJEF †]

Leedsjes

Twie Entertainers

© Fabio en Fabrizio

Deh - veer stoon weer op e feeske
E hepke en e gleeske
Deen ambiance dee is zoe fijn
Jao - veer goon us ammezeere
Laot miech d’n tèt signere
Gezellig oonderein

Kom – met us noe nao de playa
Veer goon us flink begaya
Iech höb beer aon miene snor senor
Ciao - twie Italiaanse patsers
Veur vieftig rotte klatsers
Tiamo mi amor

(Refr.)
Veer zien twie entertainers met z’n twie
Trowpartijkes verjaordaagsfeeskes ’n bradderie
En nei ’t geluid dat boeit us gaar niks mie
Us cent verdeene veer in dit schnabbelcircuit

Jeh – veer zinge nog e leedsje
Veer goon tot aon ’t geetsje
Die Griekse stumming is weer dao
Nein – veer zien nog neet de weeg aof
’T zweit lup langs de roet aof
Febries wie zit m’n haor

Jao – de barmaan liet us stikke
Deei vuile rotten dikke
Deei is zoe neij dee gief niks weg
En – op de buhne e paar latte
Iech höb splinters in m’n jatte
Gaank weg iech veul miech sjlech

(Break)
Jao luij geer kint us booke same of mèt z’n twie
Veer höbbe gein diploma mer woene wel aon zie
Kiek miech noe toch ‘ns aon sjat de wèts toch tot iech moot goon
Wel hiel geere met diech sjanse mer höb nog ’n booking stoon

[Pieke Potloed]

Is de Boonte Kooj zoeget wie d'n Dollen Dries, boe dit leedsje euver geit?
Dit leedsje kint geer beluustere via deez Hyves webpaasj:

http://fabriziobongers.hyves.nl/ .

D'r is ein groet versjèl tösse die twie kaffees. De Boonte kooj heet 'n nachvergunning en is vaan 01.00 tot oongeveer 07.00 ope en d'n Dolle Dries ging vreuger um 05.00 oor ope en tege 14.00 oor tow, noe is dat es geine mèrret is vaanaof 09.30, en heer geit tow es heer zin heet um naor hoes te goon.