Leedsjes

[SJEF �]

Leedsjes

Die ouge

Hiel lang höb iech gedach,
iech red 't wel allein
Dat leve met die vrowlui
Ach ‘t bringk verdreet en pijn
De boek vol vaan de leefde.
En noets mie wittebroed
Dat vrijgezèlle menneke
Blijf iech tot aon mienen doed

En es miech soms eine zag,
diech blijfs neet lang allein,
Zag iech, iech staon sinds jaore
Weer lekker op mien bein
En noets zal iech mie valle
Veur Lieske of Merie
Nein noets zal ’t gebäöre
In gein doezend jaore mie

Meh daan die ouge, de sjoenste ouge
Die iech oets zaog in mien leve
ze loerde naor miech
En iech verlore, finaal verlore;
verdroonke in de ouge vaan diech

Iech zaog miech alweer zitte
Zoe duf veur d'n teevee
Tien winkels veur ei kleidsje
Veur miech is ‘t passée
En ‘s aovends weer vertèlle
Zegk boe bis diech gewees
Nein sinds iech allein bin
Is ’t leve weer e fees

En al liekent 't leve
soms tristig en zwoer;
iech bin in d'n hiemel
es iech in die ouge loer

Hans Emmen Trio

[SJEF �]

Leedsjes

Danse op de rock and roll

En es daan niemes naor diech luustert
En deep vaan binne fluustert
Allein nog mer d’n duvel en zien moor
En es te hielemaol allein bis
Umtot ste zoe e stök sjegreijn bis
En de kreijgs ‘t sermieljaar nog zelf door

D’höbs d’n vriendin op tied verlaote
Ederein in alle staote
Want dat howwelik dat geit opins neet door
En ze blijf diech mer vervele
Mer dat kin diech gaar niks sjele
Want de hads dat meidske toch al langer door

Now es te daan get depressief weurs
Zörg tot ste assertief weurs
En gaank danse op de rock and roll

De maaks ’n aofspraak met twie sjatte
Kreijg d’n oto ‘nne platte
En daan kumps te dus wie altied weer te laat
De geis diech eine drinke
Wèls d’n oongelök verdrinke
diech beklaoge ouch al biste weer get zaat

En es daan niemes….

Hans Emmen Trio

[SJEF �]

Leedsjes

Dans Maria

Heila merie
Wat zeen iech in dien ouge
Perelde daor in ´n heukske ´n traon
Is dien hertsje leef keend
Zoe vermink en bedroge
En wèts te neet mie
Neet mie boe op aon

Kom op merie
Kom noe laot diech neet haange
Alles wat kump zal oets euvergoon
‘Ch zaog zoe gere merie
Tot dien ouge weer straolde
Kom op merie
Iech zal neve diech stoon

Danse maria
Kom dans door ´t leve
Danse maria
Neet stèl blieve stoon
Al steit ´t op störm zit alles diech tege
Danse maria, kom laot diech ´ns goon

Iech höb ouch vrun gehad
En iech dach veur ´t leve
Wie iech ze ech nudig haw
Geine gezeen
Mer iech sjievelde,sjravelde,sjroevelde
Begôs weer te leve
En noe diech nog merie
Laot dee glimlach ‘ns zien

Hans Emmen Trio

[SJEF �]

Leedsjes

’t Weer is good

Refrien:
’t weer is good,
Meh de luij die daoge neet
Heij heij, ha-ha
D’n eine wèlt ’t wel en d’n aandere weer neet
Heij heij, ha-ha
’t is meh jachte en mer jaoge,
En ederein, dee huurste klaoge.
’t Weer is good,
Meh de luij die daoge neet
Heij heij, ha-ha

Koeplèt:
Es iech de luij zien loupe,
Daan kreig iech errem zin.
Ze wèlle alles koupe,
Ouch es dat gaar neet kin.
En zowste iemes vraoge,
Wie is ’t toch mèt diech,
Begint heer al te klaoge,
En trèk e laangk geziech.
Dat zit miech daan get dweers,
En zing daan kort vaan veers.

Koeplèt:
M’n leef, m’n bèste luijkes,
Boe moot dat toch nao tow.
Veer laope mèt geziechte,
Die zien steeds in de row.
Veer doen niks mie es vloke,
Vaan smörreges vreug tot laat.
’t Is ein en al ellende,
zien nörreges mie e gaat.
Daorum mien leefste luij,
zing iech veur uuch opnuij.

[SJEF �]

Leedsjes

ACH MERIE

Refrein:
Ach Merie, ach Merie,
diech höbs ouge zoe blouw wie de zie.
Kom in mien errem,
daan veul iech miech leeg en zoe werrem.
Ach Merie, ach Merie,
jao dien snuutsje vergeet iech noets mie.
Blijf vaan miech hawwe, ach Merie, ach Merie.

Mit keeks diech oet de ouge, keeks diech miech eve aon.
Iech zal dat noets vergete, boe of iech goon of stoon.
Diech blijfs in mien gedachte, boe of iech soms ouch bin.
Blijf altied op diech wachte, diech bis nao miene zin.

Es diech miech in dien errem nöms, krijg iech weer 'n sjoevraoj.
Diech bis veur in te biete, wie in 'n stökske vlaoj.
Iech wèl veur iewig blieve, jao lekker kort bijjein.
Veer zien daan altied same, dat vin iech toch zoe fijn.

Oetveurend artiest: Truus Willems.

[SJEF �]

Leedsjes



De Aw Maosbrögk

Iech staon al 'ne langen tied, altied op dezelfde plek.
Iech bin dao ouch noets vaan weggewees, dat waor mesjiens neet ins gek.
De jaore krope aon miech veurbij, mèt zien gooj en z'n slechte tije.

Iech bin die Aw Maosbrögk, boe toch haaf Mestreech op löp.
Iech haw miene pókkel op, veur uuch hei in Mestreech.

't Water struimp al jaore laank, vaan Frankriek nao eus stad Mestreech.
En es 't saoves weer duuster weurt, sjint op miech 't maonleech.
Dèks genóg deit miech de pókkel pijn.
Meh, daan dink iech, iech staon neet allein.

En weurt 't weer veurjaor en 't water hoeger kump,
daan dink iech bij miech: ach leve God.
Noe krieg iech ouch nog 'n nate vot.

Lang geleje stoont iech gans allein.
Meh die tijde zien noe toch veurbij.

[SJEF �]

Leedsjes

Sjérke dee wôl de wiet kwiet

Refrein: Sjérke dee wôl de wiet kwiet,
en her wét wel boe nao tôw.
Sjérke dee wôl de wiet kwiet,
dat zeet heer zellevers aon zien vrôuw.
Sjérke dee wôl de wiet kwiet.
D´n damp de sjteig höm nao de kop.
Sjérke dee wôl de wiet kwiet,
en wie los heer dat noe op?

Couplet: Heer wôl 't goon verplaotse, roond um us aaijt Mestreech.
Heer vindt 't heij neet oet zien, de sjöpkes moote leeg.
Heer wét nog wél gét plaotkes aaon de otooweeg,
van Meersse to in Voere, heer wach nog op greun leech.
´n Grémke door de veurdeur, ´nne kilo achterum.
Dat heet heer goot gesjoote, jao Sjérke, dee is sjlum.

Couplet: Geine mins bring'k heum noch vaan zien sktök,
heer is daan recht door zie.
Gaot mér kieke op de Vinkesjlaag,
dao vind´ste ouch niks mie.
De sjtroom, dee gét weer gans gewoen, de sjeurkes ligge plat.
De beüt, die goon ouch vaan de moas, dat heet heer goot gelap.

Tekst & muziek: Jo Schmeitz
Zang: 100% Limburg (m.m.v. De Zingende Potsvrouwe & Frans Croonenberg)

[SJEF �]

Leedsjes

Ich bin verleef op 't Mooswief

Refrein:
Ich bin verleef,
Op 't Mooswief.
Hiel de wereld maag 't wete.
Zie is zoe leef
't is e moordwief,
Zie is gewoen um op te vrete.
Zeen iech häör haange,
Weur iech bevaange.
Jao, zie is veur miech de perel vaan Mestreech.
Iech zouw 'ns gere
Mèt häör flanere,
's aoves laot bij stareleech.

Koeplèt:
Op Vastelaovendszoondag kump zie aon,
Gans oetgelaote staon iech daan al orelaank väöraon.
Um twelf oor hingk zie weer in de loch,
En daan bin iech weer veur drei daag laangk verkoch.
Iech kiek nao häör, en zie nao miech.
Zie lach miech aon, rech in mie geziech.


Tekste vaan Patrick van de Weijer.

Noe is ’t tied

Refrein:
Noe is ’t tied,
Tot de meziek begint te speule,
Luij goon drejje wie 'n meule in 't roond,
De gansen tied.
Leedsjes klinke wie gediechte,
Zuug dee lach op die geziechte,
Ach wat veule veer us riek.
Noe is ’t tied,
Zingentere goon veer same euver straot.
Eder zate hermenieke,
Späölt häör sjoenste melodieke
Gans Mestreech moot wete,
't is noe weer zoe wiet!

Koeplèt:
Veer zien zoe vaan die luij,
Veer stoon dèks euveraol väöraon
En zeker met Vastelaovend,
Num dat vaan us aon.
Want zien de naojes vaan de keersboum d'r aof,
Daan tèlle veer de daog weer laanksem aof.

[SJEF �]

Leedsjes

Deale
(trad. arr.: R. Quaadvlieg/J. Innemee)

Chorus: Ooh, deale, deale,
doen veer ederen aovend mèt us twie
V’r deale same op de parking, vaan de A2

Veer hadde op de zolder toes al lang ’n kwekerij
Mèh de bure waore dao mèt neet zoe blij
Praktisch ederen aovend, file in de straot
V’r hadde hiel väöl vrun, d’r woort väöl Frans gepraot

Meh daankzijj uzze Gerd, dee zaog in eine kier ’t leeg
Stoon veer ederen aovend mèt us twieje langs de weeg
D’n handel geit hiel good, en greujt nog eder week
Want geinen eine vrund, liet us in de steek

[SJEF �]

Leedsjes

Doezend Plaotse
(P. Houben)

Iech zaog diech stoon, diech zaogs miech zitte
Diech lees dich goon en iech heel diech vas
Zònder bezeij leep iech op de klippe
Iech haolde alles oet de kas

Refr. De waors de zon op mie geziech
Mer noe zien d’r doezend plaotse
boe iech liever zien zow es bij diech

De struijdes blomme um op te loupe
Wat genote veer in bed
Veer kòste zoeväöl sjoen meminte
Jao ‘t waor zeker je vaan het

Inins woord alles aanders
En d’r leek niks aon te doen
Mer iech begòs ‘t toch te merke
D’r kaom get kaajds in diene poen

Luij huurste klasjenere
Euver good en slech
En iech blijf mer prakkezere
Boe um kaom niks de vaan terech

[SJEF �]

Leedsjes

Prakkezeere
(T. Larue/D. Burnett/P. Houben)

Väöl aon de kop, ouch weer gaar niks.
“t zien de spoke vaan de nach
Allein in ’t duuster spoke zie
door miene kop in volle krach
(daan spoke zie in volle krach)

Vaan jongs of aon goon mien gedachte
’s nachs met miech op de luip
Iech lik in bed get roond te dreije
’t is vaan al dat miech bekrup
(’t is vaan al dat häöm bekrup)

’t bed ging nao d’n hook, 'ch woord euverleze
met ’t höllep gaaroet niks
Druime bleef ’n hel
’t is ‘t spook vaan de nach dat miech verstik
(’t is de nach die häöm verstik)

Pels en roeie wien,
wat iech neet al hög oet geprebeertd
Zoe haaf in ’n waas:
toch weit iech wel drek kump ’t weer
(heer wet ’t wel: drek kump ’t weer)

‘strein in mie graag, hoop iech te vinde
Wat iech altied höb gemis
Jao d’r zien get wurm mer
Daan vin iech eindelik rös
(jao daan vind heer eindelik rös)

[SJEF �]

Leedsjes

Maak Diech Mer Neet Dik Euver Mörrege
(P. Houben)

Maak diech mer neet dik euver mörrege
Want of dee mörrege kump is nog de vraog
Ze zègge wee daan leef deej daan zal zörrege
Geneet mins estebleef toch vaan vendaog
Geluif ouch neet tot vreuger alles beter waor
Veer kieke dèks door ‘nne roze brèl
Maak diech mer neet dik euver mörrege,
Staank bijj d’n daag vaan noe ‘ns eve stèl!

Pol vaan op de Rechtstraot
Och dat waor e sjaggerein
Deej leep altied te jènke
Want ‘t lache deech ‘m pijn
Noe wònt heer lèts de Lotto,
Heer veranderde op slaag
Heer löp noe te geneete
En heer zink de gansen daag

Nèt vaan ‘t Blauw Dörrep
Kòs ouch neet zoe väöl
Häöre maan waor viefentachtig
Kaom neet mie euver de brök
De buschauffeur dat bleek ‘nnen hiele leuke vent
Us Nètsje is gelökkig en ze zink weer gans content

[SJEF �]

Leedsjes

Noondejuu, Noondejuu
(H. van Heck/K. van Riessen/P. Houben)

Noondejuu, noondejuu
Iech höb pijn aon m’n puu
Da’s vaan al dat dreije
Wie ‘nne kokkerel
Noondejuu, noondejuu
Met ’t zweit op de kop
Blaore aon m’n puu, blaore aon m’n puu

Iech ging lès naor de linedance
Dat waor e stevig feeske
De kins ’t neet geluive
De mòs daor zien gewees
Mer nao zoe’n tien minute
Had iech ’t wel bekeke
Iech stònd in ‘nne luter
Had blaore aon m’n puu

Heij cojbojs vaan ‘t liege land
Gebruuk noe toch ins uuch verstand
Iech kin neet mie, zèk noondejuu,
‘ch höb blaore aon m’n puu (2x)

[SJEF �]

Leedsjes

Den Awwen Holle Weeg
(trad. arr.: J. Innemee)

Iech laop euver den awwe holle weeg 3x
Iech bin gelukkig en iech veul miech riek
‘ch zeuk e land boe ’t water smaak nao beer (3x)
Iech bin gelukkig en iech veul miech riek

‘ch zeuk e land boe de zon altied sjeint (3x)
Iech bin gelukkig en iech veul miech riek

‘ch wèl wel werke, meh iech maak mich neet geer meuj (3x)
Iech bin gelukkig en iech veul miech riek

De petatte die klaw iech op ’t veld (3x)
Iech bin gelukkig en iech veul miech riek

De vrowluij zien euveral eve sjoen (3x)
Iech bin gelukkig en iech veul miech riek

Iech laop euver den awwen holle weeg
Iech laop euver den awwen holle weeg

[SJEF �]

Leedsjes

Scheissegal

Esste get wels smokkele, doeg ’t in ’n tuut
Let good op aon de grens, tot ’t geine zuut

Scheisegaal, scheisegaal
‘ch daon ’t in ’n tuut, tot ’t geine zuut
Scheisegaal, scheisegaal
‘ch daon ’t in ’n tuut scheisegaal

Heinrich waor ‘nen Duitser, dat huurste aon de naom
Heer heel wel vaan e jointsje, meh wie kaom ‘r aon dee kraom
Heer hoort tot heij in Limburg dat spul te kriege waor
Z’ne vrund dee zag es ze diech kriege bisste nog neet klaor
Heinrich zag me kreig miech neet, veer Pruuse die zien slum
Kom iech oet die koffiesjop daan dreij iech miech get trum

Sjarel had ’n koffiesjop in e stedsje aon de grens
Dat zaakske leep wie unnen trein, jao heer had hielväöl fens
Op ‘ne goojen daag dao stoont auch Heinrich veur zien deur
Heer zag tege Sjarel "Guten Tag" en stelde ziech toen veur
Sjarel zag veurziechtig maan, doeg ’t in unne zak
Want griepe ze diech beij de grens daan geiste in de bak

Op zekeren daag kraog Sjarel en lumineus idee
Heer zag tege Heinrich, 'ch gaon eve nao de plee
De hoors steune en ouch kreune, 'ne zuch en 'nne kreet
En wat toen gebäörde luuj, geer geläöf miech neet
In z'n had had heer 'n tuut, eigelik mie 'ne baal
"Ezzebleef ‘nen halve kilo oonversnooje scheissegaal"