Leedsjes

[SJEF †]

Leedsjes

Hakke op 't heukske vaan de Brakke

Teks: ? - Meziek: ?

1
Hakke stoont te kakke op 't heukske vaan de Brakke
En toen kaome twie klabakke en die naome Hakke mèt !

2
Frisse stoont te pisse in d'n hoof vaan de Clarisse
En toen kaome twie pelisse en die naome Frisse mèt !

3
Sije stoont te spije in de Wolderse contrije
En toen kaome twie lakeie en die naome Sije mèt !

4
Nieste stoont te sjiete in d'n hoof vaan de Zjezwiete
En toen kaome twie bandiete en die naome Nieste mèt !

5
Pluime stoont te fluime boe de bere wel 'ns druime
Twie die snie op gónge ruime naome Pluime stiekem mèt !

6
Jeuke stoont te beuke bij de nonne in de keuke
En toe kaome twie zoen leuke en die naome Jeuke mèt !

7
Knolske droonk ei bolske op de merret bij Pie Knolske
En toen veulde ze aon ze polske en ze naome Knolske mèt !

8
Dasse stoont te plasse in de Staar achter de basse
En toen kaome twie paljasse en die naome Dasse mèt !

9
Kleine stoont te greine bijj z'n Ma achter de gordijne
En toe kaome twie hiel fijne en die naome Kleine mèt !

10
Meeze waor aon 't peze, wouw de berreg op goon sjeze
En toe kaome twie Chineze en die naome Meeze mèt !

11
Bolle laog te rolle mèt de maog vaan Oswald Knolle
En toen kaome twie aw snolle en die naome Bolle mèt !


Dit leed weurt miestal in beslote gezèlsjappe gezoonge.
Al nao de beslotenheid weure de nudige variaties trop gemaak.
Zoe zeet me tot 't kouplèt euver Oswald Kolle door Charles Thewissen zaoliger zouw zien gemaak.

[SJEF †]

Leedsjes

D'N AGENT
Fietsefreem

Teksschriever: Raymonde Quaedvlieg
Meziek: J.G.M.Coenen


Stop, stop, stop, zag d'n agent,
kóm mer gaw op mèt die sent.
Want geer höb miech get gemaak,
daor achter waor 't bijjnao raak.

Stop, stop, stop, zag d'n agent,
kóm mer gaw op mèt dien sent.
Geer zit gans fout dat wèt geer wel.
En treuzel mer neet zoe,
anders gaot geer in de cel.

Lèts reej iech op mien fietske door Mestreech.
Iech wis 't neet, mer iech had gaar gein leech.
Opins zag 'n sjoen meidske stop.
Iech meinde iech had sjans,
meh ze had 'n patsj op häöre kop.

Iech rijj dèks mèt d'n oto door Remung.
Daor höb iech bijj de peliesie hiel väöl vrung.
Wat dat betref höb iech miech toch vergis,
want gisteraovend nao e glaas of tien,
toen ging 't mis.

En zeet geer ouch nog astrant,
daan höb geer pech,
want daan sleet iech de deur,
en goej iech de sleutel weg.

[SJEF †]

Leedsjes

DAO IS GEIN STAD IN GANS EUS LENDSJE
[Oonbekind]

Dao is gein stad in gans eus lendsje,
die zoe veuroet geit, zoe floreert
Es eus Mestreech, 'n ierste bijdehendsje,
en boe z'ch 'n eederein zoe weert.
'nen Tram dee zeet geer loupe door eus straote,
gans zoonder reuk en op gelieke weeg,
en g'r hoof mer evekes "pst" te rope,
dadelek steit heer dao, kin zellefs neet mie weeg
Meh mennege reizeger, dee vertrekke wouw,
dee winsde deen tram al nao d'n duvel touw.

'ne Ketel waor hij aongekoume,
dee waogde zestigdoezend kilo zwoer,
meh wie euze Raod dat had vernome,
stelde heer ziech dadelek op de loer.
Dee ketel maag neet door eus straote,
dee rijt us hei d'n hiele boel doorein,
en wie veer doge, en wie veer praotde,
de gemeinteraod dee bleef mer steeds bij "nein"
" Es veer uuch hei mét laote begoon,
daan zalle eus straote nao d'n duvel goon."

Barnum en Baily die zouwe hei koume,
mèt lieuwe, tiegers, peerd en...vlu,
Die zouwe us hei get koume laote kieke,
abnormaliteite, zellefs minse zoonder pu.
Eus ganse stad hóng vol plakkate,
aon sommige hoezerdao hónge 'rs wel tien.
En de mieste lui hoofde dao niks veur te betaole,
veer kraoge dat allemaol veur niks te zien.
Meh wie heer hei moos koume stoon,
toen zaog m'nm al gaw nao d'n duvel goon.

'nen Tied geleie waor m'ch dat 'n allegaasie,
op de Groete Grach bij de sókkerbekker Grégoire
D'n tram dee waor dao evekes langs gekoume,
zoe door de kiekout:'ne kerel, e peerd en 'n kaar.
Noe moot g'r miech 'ns good goon begriepe,
deen hiele stop waor eine sjokolaat,
en mennig batteräöfke stont daobij te giepe,
tikde z'ch e stök en pótsde daan de plaat.
Toen zag Grégoire al tege zien vrouw:
Och waor deen tram mer nao d'n duvel touw."

Meh aon de Boschpoort kós heer neet blieve
en in de Barakke dao kós 't minder koed
De riole woorte dao opgestiepe,
want Rutten späölde dao daonig op z'ne poet.
Euze ganse raod en twintig agente
en daartig peerd, wel doezend lui bijein
'n Aw vrouw woort oet häör hoes gedrage.
Minske, ze vare uuch hei eure hiele kraom doorein
Meh zoonder sjók, gaans wie me wouw
zoe gónge v'r mèt dee ketel nao Rutten touw."


't Terrein boe Barnum en Bailey mooste stoon, waore de Koompe.
Es gevolg vaan 'n fikse Regesjoor stoonte de Koompe oonder water.
De wijs vaan dit leedsje is die vaan:
"Iech bin de meister vaan de Kommel," oet de 'Kaptein vaan Köpenick.'

[SJEF †]

Leedsjes

STANDBEELDE

Veer kriege noe 'ns get gezawwel
Euver standbeelde vaan Mestreech.
't Is geine sjele wawwel
Geer zeet ze euveral langs de weeg.
Laank en klein, auch dikke, dunne
Groet en fors meh auch dèks plat
De zuus soms neet vaan wat veur kunne
Die sjoen pronkstukke vaan eus stad
De zuus soms neet vaan wat veur kunne
Die sjoen pronkstukke vaan eus stad

Op de Boschstraot steit terdege
E beeld vaan euze Pie Regout.
Gaas liet Minckeleers dao vlege
Tösse vès en rommedou
Achter häöm steit in 't water
E sjoen beeld vaan Sint Antwajn
Heer hèlt Minckeleers mer in de gater
Mèt die vèsgeert in z'n han
Heer hèlt Minckeleers mer in de gater
Mèt die vèsgeert in z'n han

Op 't kloester zit 'nen diechter
Dee proonk dao mèt zien bloete bein
Sint Amor veult ziech väöl gewiechter
Hiel hoeg dao op 't Amorsplein
't Mooswief steit mèt häör sevoeje
En loert dao mer nao 't stadhoes.
Op 't Keuningsplein nog luij in boeije
Mèt köp zoe plat al wie 'n loes.
Op 't Keuningsplein nog luij in boeije
Mèt köp zoe plat al wie 'n loes.

Karel de Groete steit sins iewe
In de kerrek mèt z'ne kroen
Oppe Vriethof mèt drei lieuwe
Besjiete de doeve de perroen.
De gemeinteraod wis wel vaan wante,
'n Ezelke sjietgeld moos debeij
Op 't pleinsje beij de Bonnefante
't Sjit gei geld of zjweinereij
Op 't pleinsje beij de Bonnefante
't Sjit gei geld of zjweinereij

Op 'ne pileer hiel hoeg verheve
In de Percée, dao steit Slevrouw.
En veer bisjoppe deneve
Mèt hunne rögk al nao häör touw.
De stadsingel stoont verlaote
In de moer al langs de Maos,
Meh kin noe gezélleg praote
Met 'ne groete Sintervaos
Meh kin noe gezélleg praote
Met 'ne groete Sintervaos

In 't parrek dao steit vaan Oppe
Jaomer genóg allein de kop.
't gong neet gans, ze móste stoppe
Want de duite waore op.
D'Artagnan tegeneuver de bere
Dee hèlt dao hiel trouw de wach
In de buurt höbbe Mestreechteneere
De Stoomp en Dibbets neergelag
In de buurt höbbe Mestreechteneere
De Stoomp en Dibbets neergelag

Aon de Stokstraot op 'ne sókkel
Steit jao de Mestreechter Geis
Heer heet e snuitske wie 'n kókkel
't Zien mer kneuk en haos gei vleis
D'n echte geis, 't kaan neet misse,
De geis vaan de Mestreechter klaank
Jao, dat is Fons Olterdisse
Mèt de kinder op die baank
Jao, dat is Fons Olterdisse
Mèt de kinder op die baank

Theo Loontjens

[SJEF †]

Leedsjes

Mac Sókkerstek - Sjoenen Daag

http://nl.youtube.com/watch?v=Dquxl9teE-I

Vendaog is 't unne sjoene daag
't is zoe heerlik tot iech dit beleve maag
Veer zien hijj same op dit prachtig fees
't is gein fees es Sókkerstek neet is gewees
En wat hij wijjer gebäörd
Geer blijf hijj noe stoon
En höb neet 't lef um wijjer te goon
Veer koume uuch nao
En trekke uuch mèt
Tot aon 't buffet
Höbste sóms 'ns unne kloete daag
En dinkste tot 'n ederein de buim in maag
Dink daan draon de zon kump altied op
Daorum zet noe metein de tent hijj op de kop
En wat ouch wijjer gebäörd
't maak us niks oet
Want dit nump us geine mie aof.
Ouch al höbste soms gèt verdreet
Este us zuus, daan veulste 't neet
En wat hijj wijjer gebäörd
Geer blijf hijj noe stoon
En höb neet 't lef um wijjer te goon
Veer koume uuch nao
En trekke uuch mèt
Tot aon 't buffet

=========================

Mac Sókkerstek - Sjöddel met die Pans - Official Videoclip 2009

http://nl.youtube.com/watch?v=ktxVvxCRdTM

[SJEF †]

Mac Sókkerstek

Höllep!


Ederskier 't zellefde es iech nao e feeske gaon,
mote daan de hennekes weer in de loch
En es iech veur de polonaise weer de luip op gaon,
daan vring iech miech altied in edere boch
Iech vlöch daan nao 'n taofel en klamp miech stevig vas,
en hoop daan tot miech geine in de smieze heet en pak

Ze danse polonaise en ederein deit mèt
iech zeuk e veilig pläötske, 't leefs aon 't buffèt
De han goon op de sjouwers, wat höbbe ze plezeer
Ze zinge gèt vaan rètteketèt en loupe op en neer

Höllep, noe is 't weer zoe wied
Waor iech mèr thoes gebleve, wat höb iech unne spiet
Höllep, dao mote ze alweer,
ze zinge gèt vaan rètteketèt en loupe op en neer

V'r zinge mèt z'n alle, veer goon nog neet nao hoes
En iech dink bijj m'n eige, och waor iech toch mèr thoes
Daan sjaar iech miech e pèlske en hóbbel d'rachteraon
En nao 'n runde is 't zoe wied tot iech weer väöraon staon

Höllep, noe is 't weer zoe wied
Waor iech mèr thoes gebleve, wat höb iech unne spiet
Höllep, dao mote ze alweer,
ze zinge gèt vaan rètteketèt en loupe op en neer

En koelik bijjgekoume weur iech weer vasgeklamp
Noe moot iech op mien hoeke, en kreig iech zeker kramp
't Kaajt buffet moot zakke, dus laot miech 'ns mèt rös
Gaot noe 'ns eve zoonder miech door, wielaat kump heij de bös

Höllep, noe is 't weer zoe wied
Waor iech mèr thoes gebleve, wat höb iech unne spiet
Höllep, dao mote ze alweer,
ze zinge gèt vaan rètteketèt en loupe op en neer

Dee veur miech stink nao unne, dee achter miech nao poor
Zoe geit de polonaise alweer 'n runde door
Veer loupe en veer loupe, wat höbbe v'r plezeer
D'n gansen aovend zoonder sigrèt, wat e gelammenteer

Höllep, noe is 't weer zoe wied
Waor iech mèr thoes gebleve, wat höb iech unne spiet
Höllep, dao mote ze alweer,
ze zinge gèt vaan rètteketèt en loupe op en neer

[SJEF †]

Leedsjes

Viagra

Ich woord e tietsje geleije 50 jaor
En plotseling waor der niks mie dao
Ich kreeg langsaam ruizing met m’n vrow
Ze zag gaank dich ins nao d’n dokter tow

Dus ging ich maondigmörrige nao d’n dokter
Vertelde häöm wat er waor met mich
Heer duijde mich hei en dao
En wis al hiel gaw wat ’t waor
En zag: "jong dao is get lielik mis met dich"

Dao waor niks te rollebolle in de mörrige
En niks mie vaan de wets wel in de nach
’t waor vreuger toch zoe fein
want ich ging wie unnen trein
meh d’n dokter heet mich ’t gelök gebrach

Ich zag dokter ich maak miech ongerös
’t vuur dat is in mich geblös
M’n vrow die heet niks mie aon mich
Ze lach mich ’s aovends oet in mie geziech

Heer zag dao zien pilkes op de merret
En de kreigs ers zoe metein ’n paar vaan mich
Heer schreef get op e stök pepier
En bekeek mich nog ‘ne kier
En zag Viagra is ’t middelke veur dich

En noe kinne v’r rollebolle in de mörrige
En ’t geit weer vaan "de wets wel" in de nach
Alles is toch weer zoe fein
Want ich gaon weer wie ‘nen trein
Die Viagra pil heet mich gelök gebrach

Ich zit noe weer lekker in mie vel
En wat ich belaof dat maak ich hel
Die Viagra pil heet mich gelök gebrach

[SJEF †]

Leedsjes

Gaank Fietse

Merie vaan bij us bove maakde ziech ger drök - Gaank fietse
Want de fiscus gaof häör cent neet trök - Gaank fietse
Wat moos zie noe, dat woord druug broed - Gaank fietse
Gein vekansie en d’n oto d’r oet - Gaank fietse

Gaank fietse de zon in, jong dat deit diech good
Gaank fietse, lekker, beter es te voot
En wat smaak ’t beer daan good, la,la,la,la

Jacques de Spoons dee had les pries - Gaank fietse
Heer zoop get väöl en waor eigewies - Gaank fietse
De goovie haolde ‘m vaan de straot - Gaank fietse
Bij ’t preces kreeg heer es gooje raod - Gaank fietse

Sjengske zaog de vruikes geer - Gaank fietse
Heer had ‘r ein, mer heer wow ers veer - Gaank fietse
Zien vrow zag bis diech noe gans gek - Gaank fietse
Ze zat ‘m d’r oet bij die aander zek - Gaank fietse

[SJEF †]

Leedsjes

Sjöd ins in Merie

In de cafe in de Koojstraot waor ’t weer ‘ns heerlik fees
De kins ’t neet besjrieve de moos daor zien gewees

’t Waor ’n allegasie en de stumming die waor bes
De höbs daan vaan die types die zien gekker es de res

Die zien aon ’t maule en ’t raak kant noch wal
De kins ze neet ontlaope want ze zien euveral

Ei gelök is, ze kriege sneller doors
En daan klink ’t weer oet volle boors

Sjöd ins in, sjöd ins in, sjöd ins in Merie
Want estrein höb iech gein duite mie
Sjöd nog ins in Merie
Hee hee en iech höb doors veur twie

De sjöddels met d’n haore, of de kieks ins door de roet
De kins hun gaar neet hure, mer dat maak ouch gaar niks oet
Hee, hee sjöd ins in Merie

De bis neet de beroerste, dus lache deiste neet
Toch veul ste d’ch gelökkig es weer ‘ns eine zeet
Hee hee sjöd nog ins in Merie

De kins zoe ’n luij neet misse, want ze zörge veur de lol
Me soms dink ste bij d’n eige: haw noe toch mer ins d’n moul
Hee hee sjöd ins in Merie

Zoe’nen aovend is toch prachtig, jao ech zoonder flawweköl
Noe goon veer eine drinke, want iech moul mesjien get väöl
Hee, hee sjöd nog ins in Merie

[SJEF †]

Leedsjes

Miene pa is drekmaan

Dit is e klein verhäölke, e bitsje achterhaold
’t geit euver ‘nen drekmaan, dee toes ’t voel ophaold
De höbs noe ’t milieupark, veur de flesse ‘ne bak
De GFT container en veur de res de roeije zak

Miene pa is drekmaan, dreug e oranje ves
Heer dreug ouch rubber laarze meh heet geine cent op tes

Meh ’s zoondigs in de kerk, daan is ‘t ‘nen hier
Z’n brook in de vaw, zit heer neve de aw, met ziene kristelier

Soms krijg heer fooi met Keermis, meh neet vaan ederein
Daan kiep heer hunnen drekbak, op straot of op ’t plein
‘nen awwe maan woort giftig en sjreef nao ’t stadhoes
Wie miene pa ‘m tegekaom toen ging heer op de voes

Jao miene pa is drekmaan, heer heet e hart vaan goud
Heet is pas nog opnuij getrowd want pa dee is nog stout
Iech zag ‘m röstig aon pa, dien jaög die is veurbei
Heer zag “Este miene leeftied höps biste in alles vrij.�

Op ‘nen daag waor heer get haostih en misde unnen bak
Meh sjus twie hoezer weijer toen waor heer al de zak
Un stum vaanoet e vinster reep “Heij maan biste gek?
De höbs mienen drekbak laote stoon�. “Ach haw toch diene bek�.

Op ‘nen daag voond heer ‘ne verkeskop, genegeld aon ’n plaank
’t Bies zaog miserabel oet, z’n snoet die stoond get laank
Heer hoort e vrommes sjriewe, ze ging haos door de groond
“Heij jong boe is miene verkeskop�
Unne meter vaan d’n koont

Dus zuuste unnen drekmaan, verslete aaid en slap
Goej häöm neet in d’n drekbak, ’t is misjien miene pap

[SJEF †]

Leedsjes

In de maot, oet de maot

In de maot, oet de maot
G’r zeet mer wat g’r daot (2x)
Eine polonaise dweers euver de straot

Vaan Lummel tot in Wolder, vaan Daalhof tot in Wiek
Veer gaon veuroet in reijaloet dat vinde veer zoe sjiek
Vaan Amie tot in Caberg vaan de Heeg tot in Mestreech
Eine bonte störrum euver de ganse weeg

Veer zinge vaan d’n drekmaan en Tonia häör beer
Vaan de dikke trom, noe bars de bom en sjokkele op en neer
Veer zinge vaan de pieringe en vaan de zedeleer
En ouch vaan Sjeng weer aon de geng daan höbbe veer plezeer

[SJEF †]

Leedsjes

Scheissegal

Esste get wels smokkele, doeg ’t in ’n tuut
Let good op aon de grens, tot ’t geine zuut

Scheisegaal, scheisegaal
‘ch daon ’t in ’n tuut, tot ’t geine zuut
Scheisegaal, scheisegaal
‘ch daon ’t in ’n tuut scheisegaal

Heinrich waor ‘nen Duitser, dat huurste aon de naom
Heer heel wel vaan e jointsje, meh wie kaom ‘r aon dee kraom
Heer hoort tot heij in Limburg dat spul te kriege waor
Z’ne vrund dee zag es ze diech kriege bisste nog neet klaor
Heinrich zag me kreig miech neet, veer Pruuse die zien slum
Kom iech oet die koffiesjop daan dreij iech miech get trum

Sjarel had ’n koffiesjop in e stedsje aon de grens
Dat zaakske leep wie unnen trein, jao heer had hielväöl fens
Op ‘ne goojen daag dao stoont auch Heinrich veur zien deur
Heer zag tege Sjarel "Guten Tag" en stelde ziech toen veur
Sjarel zag veurziechtig maan, doeg ’t in unne zak
Want griepe ze diech beij de grens daan geiste in de bak

Op zekeren daag kraog Sjarel en lumineus idee
Heer zag tege Heinrich, 'ch gaon eve nao de plee
De hoors steune en ouch kreune, 'ne zuch en 'nne kreet
En wat toen gebäörde luuj, geer geläöf miech neet
In z'n had had heer 'n tuut, eigelik mie 'ne baal
"Ezzebleef ‘nen halve kilo oonversnooje scheissegaal"

[SJEF †]

Leedsjes

Den Awwen Holle Weeg
(trad. arr.: J. Innemee)

Iech laop euver den awwe holle weeg 3x
Iech bin gelukkig en iech veul miech riek
‘ch zeuk e land boe ’t water smaak nao beer (3x)
Iech bin gelukkig en iech veul miech riek

‘ch zeuk e land boe de zon altied sjeint (3x)
Iech bin gelukkig en iech veul miech riek

‘ch wèl wel werke, meh iech maak mich neet geer meuj (3x)
Iech bin gelukkig en iech veul miech riek

De petatte die klaw iech op ’t veld (3x)
Iech bin gelukkig en iech veul miech riek

De vrowluij zien euveral eve sjoen (3x)
Iech bin gelukkig en iech veul miech riek

Iech laop euver den awwen holle weeg
Iech laop euver den awwen holle weeg

[SJEF †]

Leedsjes

Noondejuu, Noondejuu
(H. van Heck/K. van Riessen/P. Houben)

Noondejuu, noondejuu
Iech höb pijn aon m’n puu
Da’s vaan al dat dreije
Wie ‘nne kokkerel
Noondejuu, noondejuu
Met ’t zweit op de kop
Blaore aon m’n puu, blaore aon m’n puu

Iech ging lès naor de linedance
Dat waor e stevig feeske
De kins ’t neet geluive
De mòs daor zien gewees
Mer nao zoe’n tien minute
Had iech ’t wel bekeke
Iech stònd in ‘nne luter
Had blaore aon m’n puu

Heij cojbojs vaan ‘t liege land
Gebruuk noe toch ins uuch verstand
Iech kin neet mie, zèk noondejuu,
‘ch höb blaore aon m’n puu (2x)

[SJEF †]

Leedsjes

Maak Diech Mer Neet Dik Euver Mörrege
(P. Houben)

Maak diech mer neet dik euver mörrege
Want of dee mörrege kump is nog de vraog
Ze zègge wee daan leef deej daan zal zörrege
Geneet mins estebleef toch vaan vendaog
Geluif ouch neet tot vreuger alles beter waor
Veer kieke dèks door ‘nne roze brèl
Maak diech mer neet dik euver mörrege,
Staank bijj d’n daag vaan noe ‘ns eve stèl!

Pol vaan op de Rechtstraot
Och dat waor e sjaggerein
Deej leep altied te jènke
Want ‘t lache deech ‘m pijn
Noe wònt heer lèts de Lotto,
Heer veranderde op slaag
Heer löp noe te geneete
En heer zink de gansen daag

Nèt vaan ‘t Blauw Dörrep
Kòs ouch neet zoe väöl
Häöre maan waor viefentachtig
Kaom neet mie euver de brök
De buschauffeur dat bleek ‘nnen hiele leuke vent
Us Nètsje is gelökkig en ze zink weer gans content